【明報專訊】郭奕芯昨日以老闆娘身分撐富二代男友Brian Law於尖沙嘴的新店開張，還邀來七仙羽（七師傅）主持開光灑淨儀式，聯同岑珈其、譚凱倫及鄭伊琪擔任剪綵嘉賓。郭奕芯拖着男友滿場飛，被問到是否想以情侶檔吸金？她說：「吸到就吸，要搵七師傅幫忙。」七師傅表示睇好郭奕芯這段情能開花結果，「Brian高大靚仔、勤力、心地善良，我好滿意，他嫁得過」。問郭奕芯是否待嫁？她不諱言與男友有結婚共識，「我覺得他是個值得付託終身的人，我心態隨時可以結婚生仔，不過我們有共識，等店舖穩定才結婚」。
七師傅嫌對手不靚仔 借位拍吻戲
七師傅剛拍完兩部電影，搞笑恐怖片安排萬聖節檔期推出，另一部是賀歲片，她呻拍電影要捱更抵夜好辛苦，跟拍綜藝節目有很大分別。問接拍電影有否底線？她說：「除衫戲肯定不接，因為我無身材。接吻鏡頭我都推，親熱前要刷牙搞一輪，好麻煩。早前拍其中一部電影，接吻戲借位完成，對手不靚仔，跟陌生男人好難做到。」
