【明報專訊】男團ERROR成員193（郭嘉駿）向來敢言，早前他與友人開設的Cafe被網民批評食物貨不對辦，193反駁Cafe向來都是呃錢，想平可以食兩餸飯，再惹爭議，他懶理批評。近日193現身YouTuber霍哥的網上節目，再回應當時被食客狠批一事。他說：「開幕嗰陣好鬼忙，員工做唔切，有時啲包無切到底，又冇乜汁，就被人投訴，在網上鬧我哋有半個都是齋包。我都廢事回應那些人，來得Cafe係咁呃錢㗎啦，你情我願。」
193稱有網民為他的Cafe計成本，但又不計算開舖要幾多錢租，還有裝修、人工等，並說：「我認為這些人不用理會，因為佢哋咁樣計成本，根本就不會出街食飯，剩係喺屋企煮，咁佢梗係覺得所有嘢都好平。」
193透露現在已改善Cafe的食物質素，以及研究如何令食物更美味和落足料。霍哥讚193直接反擊，勇者毋懼，193說：「我驚什麼，鬧我的人不會來Cafe，要平去食兩餸飯，我講事實，自己都經常食兩餸飯，要較舒服的環境就要付出相應價錢，這是生意。」
娛樂組
