【明報專訊】林敏驄（阿驄）、江美儀、鮑起靜、郭栢妍、羅毓儀和黃嘉雯等合演的無綫台慶劇《下流上車族》，緊接《夢華錄》於10月17日首播。《下》劇是阿驄的處男劇，無綫日前發放宣傳片，阿驄一改平時無厘正經本色，語重心長道出港人上車悲歌，「人與人之間最遠嘅距離係咩？就係你睇到嘅靚樓，你買唔到、住唔起呀」。宣傳片中阿驄還現感性一面，爆喊對鏡頭說：「間屋企幾細唔係問題，最緊要一家人喺埋一齊！」
讚文凱婷「冇得頂」
阿驄親自為處男劇主題曲《一家人》作曲填詞，並邀請了《聲夢傳奇》文凱婷（Aeren）合唱。阿驄在社交網上載錄音花絮，Aeren對住阿驄緊張到搣手指，阿驄自爆險寫不出主題曲，「到咗最後嗰日，我又有番少少靈感作到頭嗰幾句，咁咪作埋佢啦。呢個貫徹我創作風格，就係你畀一年我，我都係最後嗰一日先做」。阿驄大讚Aeren「冇得頂」，完全符合他想要的感覺，並叫監製找Aeren拍劇；Aeren稱今次與前輩合作獲益良多。
娛樂組
