粉絲驚喜派對賀壽 盧慧敏避談Ian 生日跟屋企人過

文章日期:2022年10月06日

【明報專訊】MIRROR成員陳卓賢(Ian)女友盧慧敏(Amy)前日(4日)29歲生日,公司老闆Kim跟Amy粉絲團「小樹苗」安排驚喜生日會。當日Amy被通知到影樓開工,粉絲提早到場佈置,Kim準備生日蛋糕。Amy到影樓時見漆黑一片,大家突然在她面前出現,她感動到眼濕濕。Amy感謝粉絲一直以來支持,並說:「平時好少可以同大家傾偈,好多謝大家成日都超級愛我同支持我,有時做嘢唔係超級順利,當面對低潮時,我會望吓你哋啲相,睇吓大家嘅留言,就會覺得好好,都好想好似大家咁簡簡單單,大家嘅祝福我收到晒。感覺大家係衷心希望我好,覺得自己超級幸福。」

之後粉絲給Amy送小禮物,又一齊玩遊戲,並跟粉絲傾心事,還稱有問必答。Amy表示跟朋友慶祝生日有個習慣,可以不停問問題,問到壽星感動落淚。Amy笑說:「你們已經做到,我不是好紅的明星,又不是歌手,能夠得到大家的愛護,不是應分的,所以好感恩。因為我好鍾意傾偈,所以今次就好似逼大家同我傾偈。」粉絲問Amy跟誰過生日?她笑言知道粉絲想問什麼,生日會跟「屋企人sss」一齊過,未知Ian是否計算在「屋企人sss」之列。

娛樂組