【明報專訊】電影《飯戲攻心》9月7日上映，截至昨日，票房已衝破7000萬元。《飯戲攻心》的社交網專頁上載眾演員謝票時跟觀眾的大合照，寫道：「果然齊人嘅力量真係好勁，唔夠3日，米粉們你哋竟然又帶我哋去到一個新高度，唔知再去高啲，會係邊位飯團要找數呢？」
張繼聰自覺幸運，電視劇遇上過好多好角色，電影方面又有份進入歷史，「人生竟然拍過一部電影，有7000萬票房，感覺好夢幻，也感到榮幸，會繼續努力」。導演陳詠燊忙謝票的同時，也在社交平台公開日前跟戲中演員分享的文字，他寫道：「我呢個月每次謝票，場內都有一種好神奇嘅氣氛，個個觀眾都對我哋好親切咁，多謝我哋，又同我哋打氣，漸漸令我覺得成件事係一班心地好嘅人，一齊拍咗套心地好嘅戲，得到一班心地好嘅觀眾支持。可能這個年代，大家都需要一個時空，讓人重新感受一份家人般的溫暖。」他一再多謝團隊，又多謝觀眾愛惜。
娛樂組
