【明報專訊】陳瀅、方力申、劉佩玥、蔣家旻等昨日到觀塘宣傳無綫台慶劇《美麗戰場》，陳瀅以性感高衩短裙亮相，慎防走光步步為營。席間突然被安排與張馳豪合唱劇集插曲，33歲的陳瀅表現尷尬，還被Bob（林盛斌）取笑可參加《中年好聲音》，問陳瀅可會參加？她說：「當然不會，冇諗過做歌手，還是專心演戲，套劇完了應該沒機會再一齊唱這首歌。」
談到《美麗戰場》結局篇與ViuTV劇《季前賽》對撼，陳瀅稱沒有特別擔心，現時觀眾睇劇潮流可以兩邊看，自爆有睇《季前賽》首集，感覺如何？鍾意睇邊個？她說：「成班男仔都好青春，未清楚他們的角色，但覺得肥仔（梁業）好cute，個個都幾cute。」方力申認為百花齊放是好事。
劉佩玥唔搵周志文陪練歌
劉佩玥承認受角色帶挈多了不少外快工作，「Bob問我有冇幾首拿手歌，可能之後有機會搵我一齊登台」。問到緋聞男友周志文有沒有陪她練歌，劉佩玥說：「女仔搵男仔練好奇怪，會找好姊妹何雁詩幫手。」蔣家旻被問到「反骨琪」下場，她說：「我還未死，要看網民反應，如果想我出現就出現，我係有拍呢一場戲，但放喺邊集就唔知。」
