【明報專訊】陳山聰、姚焯菲（Chantel）及鍾柔美（Yumi）等前晚錄影無綫節目《新春保良迎金兔》，陳山聰為節目開場舞獅助興，他稱疫情至今已幾年沒有舞獅，不過有在家中操練，全因要教兒子Jaco舞獅，「Jaco唔驚，仲好鍾意，有畀我舞獅的片段給他看」。陳山聰笑稱Jaco未識讚爸爸有型，不過會讚他好靚，「我在屋企試穿頒獎典禮套衫，Jaco見到即刻話好靚喎」。
登上視帝寶座後工作不絕，陳山聰除忙拍劇，年三十出席商場新春倒數活動，年初三與劉佩玥、陳展鵬及胡定欣獲邀到澳門出席花車巡遊，陳山聰說：「疫情後第一次到澳門，好開心回老家，不過屋企人全部過晒嚟香港。」
Chantel提早𢭃利市
Chantel表示農曆新年後到新西蘭留學，父母仍未透露出發日期，最近她忙於與同學及《聲夢》學員食飯餞行，After Class隊友未有時間出席，Chantel說：「等我響嗰邊減定肥，放假回來再食吧。」她表示因有家人從外地回港，已開始𢭃利市，問利市錢如何處理？她說：「通常會儲起，如果有時父母返工，我想同朋友出街，就會用利市錢，唔係我就冇錢出街。」Yumi稱因親戚打算外遊，同樣已開始𢭃利市，並笑道：「利市錢我會邊儲邊用，但會限制唔好用咁多，可能緊急時候先用，例如出街冇錢。」
