自爆無懼「鏡安法」 林日曦揭「唱衰」Tiger原因

文章日期:2023年06月05日

【明報專訊】林日曦以視像形式演出的舞台映畫戲《大離婚日——夫》前晚第12場,MIRROR成員Tiger(邱傲然)、鄧麗欣、周國賢及何韻詩捧場。林日曦謝幕時趁Tiger在場,分享劇中「唱衰」Tiger來龍去脈,表示公映前有同事驚他犯「鏡安法」,建議刪剪這一段,他無懼說:「我使驚?」

林日曦透露大半年前開始寫《大離婚日》,覺得怎樣都要幫班「前夫」唱衰班「鏡仔」,但他完全不熟悉MIRROR,開始上網找很多他們的訪問片段看,「諗住搵其中一個成員寫入去,留意到每條訪問片入面,在角落都會有一個長髮男人,默默揸住一堆咪,遞給企喺後面嘅姜濤,姜濤都好多嘢講㗎嘛」。他稱如自己負責遞咪,一定心諗「講完未,隻手好攰」,引得全場爆笑。

林日曦表示Tiger這種人,說話不多默默做事,似足自己,認為收收埋埋的人一爆就會不得了,所以揀Tiger寫入劇本,「好多謝Tiger唔介意畀我唱衰,但他都冇得介意啦。因為記者問到,他身為偶像,只能夠答唔介意」。Tiger在開場前獲邀上台與「林日曦紙板」及「本人」隔空視像合照,林日曦搞笑向Tiger說:「叫你啲小虎隊(粉絲暱稱)冷靜啲,希望你第時攞到最受歡迎男歌手時,記得飲水思源,多謝返我,約定你。」

娛樂組

相關字詞﹕