【明報專訊】薛家燕昨日出席廚具宣傳活動，吸引不少粉絲捧場，大會邀安德尊擔任主持。家燕姐示範品牌的壓力煲，說以前少入廚，雖然現在鍾意入廚，但有新抱幫手，故有空閒時間。問她是否有更多時間湊孫？家燕姐笑說：「我唔係湊孫，係玩孫。」活動後家燕姐接受訪問，讚新抱是廚藝高手，「佢好鍾意煮嘢食，所以孫仔都會一齊整，有時又整吓蛋糕。我就多數煲養生湯水，最拿手就係蒸魚，啲肉好似我啲皮膚咁滑」。問家燕姐好朋友A君可有試過她的廚藝？她自爆曾為A君整心形蛋糕，對方未食已心甜。
家燕姐送利市給安德尊，公開催婚，指對方是「家庭煮男」，「係時候要結婚啦，你份人情我都準備好，好大份㗎」。安德尊稱一切聽從家燕姐的說話。問他是否有好消息公布？他稱會再通知大家。
娛樂組
