【明報專訊】鄧麗欣（Stephy）與歐鎧淳為香港劍擊隊「大師兄」張小倫主持的首個網上清談節目《大師兄Friend嚟喇》擔任嘉賓，張小倫由細到大一直視Stephy為女神，導演驚喜安排女神任嘉賓，他驚訝得面都紅埋。他被Stephy大讚煲湯好飲，十分開心。
節目尾聲大師兄按不住興奮對鏡頭向Stephy表白，「節目組問過我，鍾意訪問咩女藝人，我話我中學時真係好鍾意佢（指Stephy），仲話好想追佢，假如佢𠵱家仲係單身嘅話」。Stephy 即笑道：「我都話最唔想就係見到我講細細個就鍾意我。」張小倫稱從小到大喜歡一個人，真的沒想到會見到，被問到Stephy單身，他卻已婚，是否覺得相逢恨晚？他說：「想追Stephy只是小時侯年少無知的夢想，現在當然不敢亦不會，我好愛老婆，老婆是我成長之後的女神。」
娛樂組
