【明報專訊】馬國明（馬明）為醫療集團擔任代言人，昨日他出席活動，分享健康資訊，打算密密掙外快儲老婆本。馬明表示以往拍劇經常睡眠不足加上壓力大，試過滿面爆瘡和髮線向上移，拍古裝劇要穿重達60磅盔甲戲服，結果弄傷腰部，久而久之變歪，做運動或踢足球時，舊患不時發作隱隱作痛，要接受治療，「早前做了療程，幫條腰拉直，已舒服得多。男士條腰好重要，女士都一樣，因為脊椎是每個人的『大陣』」。
身為準人夫的馬明，最近與未婚妻湯洛雯（靚湯）齊齊努力收身，盼以最弗狀態為稍後出埠拍婚紗照做準備。他隔空冧未來老婆說：「她最近瘦了，身形一日比一日好，愈來愈弗，但不至於跌到得100磅。女仔可能覺得瘦就是靚，但男人鍾意女仔有少少肉地，瘦未必是靚。」
靚湯怕口疏 地點保密
馬明表示會到外地10多日，拍攝婚紗照兼順道旅行叉電，因為靚湯希望保留神秘感，故沒跟他透露地點詳情，只知道出發日期，主力由靚湯一手策劃，馬明笑說：「女友怕我口疏，又想給驚喜，最擔心我好似食了誠實豆沙包，全部都爆出來。」他解釋因香港天氣太熱才選擇出埠影相，主題盡量以自然為主。
