【明報專訊】洪天明與太太周家蔚昨日帶同兩子一家四口參加《夏日牛牛揹仔一戰》齊創親子騎牛牛世界紀錄，問可有機會同父親洪金寶三代同堂亮相，洪天明表示爸爸每日都會買零食給兩孫，但為人低調，相信跟電影或孫兒有關才能打動對方。他大爆父親經常催他生女，「因為早前拍戲有個小女孩演員叫他爺爺，他好開心，要畀這個任務我。雖然我都鍾意女，不過真係兩個夠晒數，其實都有計劃過，但幾難搞，老婆豬年曾想生豬女，但機會已過又話唔生，順其自然，或者弟弟結婚會生小朋友呢」。
對於亮相ViuTV節目被網民形容是「奸細」，洪天明笑道：「我是屬於哪一邊奸細先？其實我與無綫六七年前已冇合約，覺得有適合節目便參與，『獎門人』曾志偉近年都沒有找我幫手，可能畀機會新人。」他表示有慰問剛做完手術的志偉，祝對方早日康復，「希望他不用再這麼辛苦，他未回TVB前其實好free，成日遲到，現在要一早返工，責任心好強，我問過志偉為何咁辛苦，他稱不想香港電視走下坡，想挽救，做番啲嘢，我真的好佩服他」。
