【明報專訊】唐詩詠的愛貓19歲銀仔日前離世，她感謝銀仔陪伴走過人生一半旅程，是她的守護天使。唐詩詠與舊愛崔建邦拍拖時，曾共同飼養兩貓金仔和銀仔，金仔2020年離世，近日銀仔去世，兩人都很傷心。崔建邦在社交網撰文悼念愛貓銀仔，寫道：「爸爸好唔捨得你呀！我個心好痛，已經痛到唔識點樣去形容。你係我人生第一隻寵物，陪伴我度過了很多春風秋雨，在我最落寞時，你就那樣靜靜地陪着我，陪我哭，陪我笑！人哋話摺耳貓好冷漠，但係我每次返屋企你都會出嚟迎接我，我瞓覺你又會瞓喺我頭上面，我本身對貓毛敏感，但係我都唔理，成日用你個身當枕頭，說也奇怪，慢慢就唔再敏感啦。」
崔建邦遺憾未能見銀仔最後一面，「你好叻仔呀，可以活到19歲，已經好犀利，好對唔住，我唔能夠見你最後一面，成為我人生一個好大嘅遺憾，希望你明白，雖然我唔係成日見到你，但係個心成日都會掛住你。你去到天堂唔使再揀飲擇食啦，喺嗰度你食雞肉唔會再肚屙㗎喇，have fun，我哋好快會再見面！Love you！我永遠愛你！」帖文引起不少網民議論及猜測，有問他有否跟唐詩詠聯絡處理銀仔後事。
娛樂組
