【明報專訊】林家謙一連3場《L*underground SNEAK PEEK》澳門演唱會前晚開鑼，在1號戒備信號下，無減觀眾熱情，兩度安歌後，觀眾仍不肯離開狂喊林家謙名字，至會場廣播演唱會結束，才不捨離去。林家謙10月22日在倫敦開騷，今次演唱會給未能赴當地欣賞的歌迷預演，全新編排。
林家謙以《潛水》為演唱會揭開序幕，笑對觀眾說：「趁颱風小犬未打到來之前，不如我哋潛落水底，匿埋一陣，避一避先。」接着獻唱《一人之境》帶大家享受寧靜之美，林家謙笑問：「搭船過來大唔大風大浪？有冇暈船浪呀？舊年我開騷，好似活喺自己世界入面，冇乜同大家講嘢，今次聽下大家啲聲先，同大家講下嘢。」
安歌時，歌迷自動打開電話燈，全場一片燈海，林家謙唱出《邊一個發明了ENCORE》。歌迷不肯離開，林家謙再現舞台，不少歌迷衝到台前，一些正離場的歌迷又衝回場館，引起一陣混亂，最後大合唱《記得》結束演唱會。
娛樂組
