【明報專訊】樂隊KOLOR假九展Star Hall舉行一連3場《KOLOR TOUCHDOWN 2023》演唱會，Bass手謝日昇趁前晚尾場，演出中途向拍拖11年的女友Green求婚，全場觀眾見證。謝日昇自彈自唱當年追求Green時改編的英文歌《midorigreen》，唱畢拿着戒指走到台下單膝跪地向Green求婚，他說：「你可唔可以嫁畀我？」 Green未來得及反應，謝日昇笑說：「你唔出聲，咁我做嘢㗎啦。」隨即為女友戴上戒指，二人情深一吻兼相擁，場面感動又溫馨。
ToNicK擔任前晚演唱會嘉賓，跟KOLOR合唱《無雙》和《了不起》，全場high爆。安歌時KOLOR 4子赤祼上身騷肌，向台下樂迷拋帽、毛巾。KOLOR透露去年3月已經申請到紅館檔期，因疫情高峰期故沒有要，他們將原本為紅館演出設計的舞台搬到九展。主音Sammy感觸說：「呢18年，話唔好行、唔好行，辛苦嘅嘢其實一下就唔記得咗，辛苦唔過全馬吖！」
娛樂組
