【明報專訊】47歲文頌嫻繼《施公奇案》後，相隔17年再亮相無綫。參演寰亞電視劇《叠影狙擊》正於翡翠台播映，跟周秀娜、黃宗澤有不少對手戲，成為焦點之一。文頌嫻劇中一頭清爽短髮，身形保持得不錯，被封凍齡代表。婚後育有一女的她對於讚賞笑言可能是遺傳：「其實我都算懶，當然都必須要做facial，平時生活要定時。湊小朋友後我好少午夜12點後瞓，同埋傍晚6點前食晚餐。」
文頌嫻認為做人要保持心態正面，相由心生有助保持靚樣。她在《叠影狙擊》角色忠奸難辨，處理上可覺得複雜？文頌嫻笑言平時笑笑口隱藏不少秘密，今次只是做自己，「劇中表面上絕對係好人，其實係壞唔晒嘅壞人。希望觀眾覺得我演技上有突破同成熟咗，唔係以前嬌滴滴嘅妹妹仔」。
娛樂組
