【明報專訊】陳展鵬與太太單文柔帶同女兒陳諾瑤（小豬比）到九龍塘宣傳自家品牌產品，陳展鵬表示太太照顧小朋友和處理家中瑣碎事壓力很大，十分支持對方做喜歡的事減壓，故打本給太太搞小生意。會否將生意發大？單文柔說：「我都唔知，沒想過大定細，只是有機會便做，今次有朋友找我合作和有workshop幫手，始終一個人做不到。」陳展鵬笑道：「我諗住佢養我，咁樣做落去好有前景。」
陳展鵬於無綫劇《香港人在北京》演出大獲好評，憑角色提名《萬千星輝頒獎典禮2023》最佳男主角，呼聲甚高，他表示一直希望有突破，盼開拍續集，「好開心，其實好多觀眾喜歡睇港劇，好多人話我好有經驗，講真其實有時有經驗係會好悶，有啲身邊朋友做對手，如吳若希、吳業坤和洪永城等，成套劇出嚟會好睇好多」。
