【明報專訊】無綫《中年好聲音2》明晚播出第七部曲「十八強故事之歌 年終淘汰賽」下半場。陳俞霏獻唱《沒結果》，稱這首歌是其人生寫照，她哭着說：「我好細個時，爸爸過身，媽咪獨力湊大我。媽咪不是好識愛，但會畀到好多物質上嘅嘢我，同埋選擇咗道路畀我行。講到底，我都是想媽咪接我返一次學，只想一家人一齊食餐飯。我咁多年來無同屋企人過生日，好多事都在批評之下過，點做都無用，我覺得人生好失敗。」肥媽說陳俞霏想法是錯的，家人無論惜不惜，永遠都是家人。肥媽又說上一代像她讀書不多，工作辛苦，但不代表不愛子女。
愈唱愈強的顏米羔唱完《時代曲》後，車婉婉爆他兩日前失聲。周國豐聞言說：「好鍾意你演繹這首歌的態度，首歌講大時代的小人物，其實有點憤怒，你失聲後都唱成咁，值得鼓勵。」
伍仲衡說：「我想講一樣嘢，你成日都好爆，有爆炸力無問題，但唔識收，你今日識收，係咪因為病病哋？你病病哋有着數喎！」
娛樂組
