【明報專訊】李幸倪（Gin Lee）在網上節目《枉談》第二集帶拍攝團隊重回初來港住的北角舊居，透露當時住在頂樓一個二百多呎兩房單位，記得父母來港探她時，媽媽看到她的居住環境忍不住哭了，「我哋家鄉每個人閒閒地都幾千呎，她才發覺原來咁大對比」。
當年隻身來港發展的Gin Lee連廣東話也不會，經歷了黑暗時期，抑鬱症狀浮現，「第一間公司完約，未簽到新公司，沒有人脈，迷失方向，每日天黑便好驚，喊天光。以為自己好有實力，但原來冇，很多負面聲音，沒有錢亦怕告訴別人，情緒到臨界點，feel到如果再唔掹番自己返嚟，我可能返唔到轉頭」。問她有沒有求醫？她稱睇醫生太貴，當時已山窮水盡，剩下的錢用以買機票、交租或食飯，輪不到睇醫生。
Gin Lee回想這段日子自覺愧對父母，連給雙親家用的能力也沒有，爆喊說：「屋企唔係窮，但我唔想爸爸媽媽咁辛苦……嗰陣時好嬲自己，因為我過到嚟香港，以為所有嘢會更好，但係所有嘢係變得好差，係咁怪自己。」
娛樂組
