領粉絲唱生日歌為母賀壽 盧瀚霆哽咽謝家人「神徒」助抗壓

文章日期:2024年02月01日

【明報專訊】MIRROR演唱會前晚在亞博舉行第13場,輪到「教主」盧瀚霆(Anson Lo)負責派彩蛋,前晚是其母生日,他帶領全場觀眾唱生日歌送給「教母」。Anson Lo在台上發表感言時數度哽咽,要背對觀眾平復心情,說到開演唱會,相信每一個MIRROR成員都盡了好大努力,以及好大勇氣。他聲音顫抖說:「喺過去一年,淨係講我自己,每踏上一個舞台,其實對我嚟講,都好驚。」他轉身深呼吸強忍淚水說:「但覺得自己好似慢慢咁克服咗,因為有你哋每一位喺度。」現場尖叫聲不絕。

Anson Lo感謝每名粉絲,還有家人,「呢一年對我嚟講係好大壓力嘅一年,我有時都唔係好夠膽同你哋講,驚你哋會擔心我。有時你哋會問:『近排開唔開心呀?』『近排大唔大壓力呀?辛唔辛苦呀?』我都講OK,好似冇乜嘢咁。可能人大咗,想爹哋媽咪喺一個好安穩嘅日子,唔使擔心自己個仔」。Anson Lo接着跳唱《MONEY》,再邀隊友呂爵安(Edan)和李駿傑(Jeremy)一齊化身「外星三少女」,大跳女團舞。

娛樂組

相關字詞﹕每日明報-娛樂