【明報專訊】連詩雅日前宣布與陳家樂造人成功，近日現身鄧小巧的網上節目《Singaholic》，大談新婚生活和生仔經。連詩雅表示婚後常被親友追問何時生仔？小巧聞言說︰「個個都話有仔趁嫩生。」連詩雅笑說：「我過咗嗰個『嫩』啦。其實我係一個幾大唔透嘅細路，不過有些人生了反而打理得頭家好好，有些好成熟反而搞不掂，所以我的心態是隨緣，順其自然。」
連詩雅被問最不喜歡陳家樂什麼？她投訴丈夫不洗碗，「是唯一一樣要投訴，我要澄清雖然他不洗碗，但因為我都不洗衫，所以他負責洗廁所、洗衫這些清潔，廚房入面所有事就我負責」。小巧自言最不能接受外籍丈夫狂食西餐，向連詩雅大呻苦况，「以前冬天好鍾意招呼朋友來我屋企打邊爐，今年冇喺屋企打過邊爐，因為他好憎打邊爐，佢會問︰『你哋可以煎、炒或燒食物，點解你哋要烚熟呢？』我哋打邊爐成日都會有啲骨、海鮮等食物，佢見到雞腳時會話：『點解一塊牛扒同雞腳在面前，你會揀雞腳？』我真的解釋不到，因為我真的會揀雞腳。我話啲皮索晒汁又炆到好腍，食完個嘴又張住、有膠質，覺得好正」。
娛樂組
