【明報專訊】MIRROR隊長楊樂文（Lokman）跟圈外朋友合資7位數字，在中環開設主題咖啡吧昨日開幕。Lokman希望盡快回本，稍後會舉辦一些展覽吸引喜歡街頭文化的客人。對於跟隊友王智德（Alton）及ERROR何啟華（阿Dee）去年夾份開泰式餐廳被指拖數，Lokman表示純屬誤會，早已解決，只是程序問題並非拖數。是否開演唱會掙很多所以再投資餐飲業？他說：「唔係呀！如果開演唱會掙到一筆，我開幾間啦！」做生意又要兼顧演藝工作，可會分身不暇？他說：「生意拍檔已經預咗，所以我只負責參與決定，以及市場和公關主管工作。」
MIRROR多名成員之前開設的食肆相繼結業，問Lokman今次不跟隊友合伙，是否驚「搭沉船」？他說：「又唔會話拖累嘅，大家各有喜好，等大家慢慢再叻啲，先再一齊玩大啲，開心啲囉！」
MIRROR美國站門票滯銷關簽證事
MIRROR將展開世界巡迴演唱會，有指美國站門票滯銷，Lokman說：「我諗大家都解決緊簽證問題，相信當問題解決，門票就會賣晒，有信心的。」他透露各成員為巡唱綵排得如火如荼。
