【明報專訊】鄭裕玲（Do姐）與洪嘉豪前晚出席「地球一小時2024」活動，Do姐分享環保心得，表示日常盡量少用膠樽，早睡早起慳電，夏天少開冷氣和食得清淡。談到常與洪嘉豪合作，Do姐預告之後二人再有機會一起工作，笑言：「大家都當了我們是拍檔。」洪嘉豪笑說：「我係佢條𡃁，佢係我『大佬』，我跟住佢尾。」
Do姐早前訪問MIRROR，有指她問盧瀚霆（Anson Lo）今年有什麼搞作時，呂爵安（Edan）插口取笑：「叫佢剪少啲指甲啦。」截停想回答的Anson Lo，因而引起兩派粉絲罵戰，Edan被批評無禮貌。問Do姐可知情？她表示不知道，身為主持人的她完成本分，其他事未有兼顧，又勸粉絲不要動氣，好小事。
Do姐自爆近日肖像疑被盜用，發現網上有好多人冒認她叫人投資，「可能我經常坐定定做訪問，所以畀人攞咗個樣，再配一把完全不是我的聲音，我鄭重同大家講，我冇叫人投資」。
娛樂組
