【明報專訊】陳曉東近日推出新歌《蒼鷹與少年》，日前到新城接受譚玉瑛主持節目《QK玉瑛室》訪問，透露自學以AI（人工智能）親自剪輯MV，一向喜歡接觸新事物，包括新科技和新音樂，最愛電子音樂。陳曉東與台灣太太育有10歲女兒陳芷霖與9歲陳芷怡，冧爆說兩女喜歡他的歌曲，又視爸爸為偶像，現在仍好黐他。
東東有段時間經常香港、台灣與內地四圍飛，由於父親定居上海，為方便探望與工作，決定舉家移居北京，「爸爸啲朋友當時話『你嗰仔係歌星，叫佢買層樓畀你吖嘛』，當時浦西啱啱開發，個樓盤搵咗梁朝偉拍廣告，咁啱我爸爸睇中咗嗰度，佢啲朋友笑我，『你啲錢畀晒梁朝偉喎，佢未拍廣告之前9000蚊（呎價），佢拍完廣告變咗萬四，你都肯買，你都好孝順』，喺度恥笑我，不過兩個月之後佢哋同我鞠躬，因為層樓漲咗價」。
東東將於8月在廣州舉行巡迴演唱會，正積極備戰，戒碳水化合物及增加運動量。他表示已進入運動員的排練方式，每星期跳3次舞，每次3小時，亦會做gym舉重，平日食兩三碗飯，現在只吃兩啖。
娛樂組
