佘詩曼49歲生日 願望集氣祝病母身體健康

文章日期:2024年05月31日

【明報專訊】佘詩曼(阿佘)周二(28日)度過49歲生日,連日在社交平台分享跟家人與好友慶生喜悅。其中好姊妹「七魔女」湯盈盈、梁靖琪、文頌嫻、姚樂怡、鍾麗淇與周家蔚齊人,伙圈中好友苗僑偉夫婦、周家怡與阮兆祥等開生日派對,現場有4個不同款式生日蛋糕。

阿佘母親向來以一頭銀髮冬菇頭示人,近月改以包頭巾或戴帽,隨後傳出佘母近年身體出現狀况,因接受治療致脫髮。阿佘正日生日貼出母女合照,她攬實包頭巾的媽媽,留言:「每年嘅生日都提醒我,要感謝爹哋媽咪帶我嚟呢個世界體驗同學習。今年踏入第49年喇,好似做咗好多嘢,但係又好似有好多嘢仲未做,要學嘅嘢仲有好多好多,其中一個大課題就係生老病死。喺媽咪唔舒服嘅呢一年半,我好似又大個女咗,變得更堅強。健康當然重要,但係開心始終係第一位,淨係日日都見到媽咪呢個招牌笑容都冧晒啦,我今年嘅生日願望係:『希望大家一齊集氣,祝佘媽媽身體健康啦!』」

娛樂組

相關字詞﹕每日明報-娛樂