「父女檔」謝票 盼加長版收2.2億再破紀錄

文章日期:2025年01月21日

【明報專訊】《破.地獄》上映踏入第十一周,港澳累積票房破1.58億,導演陳茂賢、許冠文和衛詩雅日前到大圍的戲院謝票。《破.地獄》加長版4月上映,許冠文期望票房收2.2億,寓意香港人打破任何困難,「我同好多香港人一樣,一生都希望進步同破紀錄,一生人都曾經追求過幾次,喺呢位天才洋溢嘅導演(陳茂賢)嘅作品又令我再感受一次。不過今次未破得晒,仲有6000萬左右就可以破到香港所有電影紀錄,嗰部係2.2億票房嘅《End Game》(《復仇者聯盟:終局之戰》),如果大家已經睇咗4次,唔爭在睇夠8次。呢個唔止係我嘅夢,如果香港可以有一部2.2億票房嘅香港電影,咁就證明香港人可以做晒任何嘢,雖然暫時環境比較惡劣,不過我哋好快就可以破任何困難,任何紀錄」。

許冠文帶了一支酒送給衛詩雅做結婚禮物,表示2月跟家人外遊未能出席對方婚禮。衛詩雅感動得眼濕濕,說對方女兒的英文名跟她一樣是Michelle,特別有親切感,自己似多了個爸爸。

娛樂組

相關字詞﹕