姜濤預告出紀錄片揭真性情 重提暈倒事件 自爆跟內心抗爭 (21:00)

文章日期:2021年11月04日

MIRROR昨天(3日)舉行答謝專屬會,慶祝成軍3周年,場面墟冚!人氣王姜濤事後在社交網貼了一條約2分鐘的短片,並預告個人紀錄片《答案》快將面世。片段中姜濤除了吐心聲外,亦有他打籃球、排舞及跟MIRROR隊友相處片段,包括用手指彈隊友額頭,以及跟呂爵安(Edan)擺出搞笑表情等。

片中首先出現一段字幕:「真的我可以有好多種,呢個先係真正的一個人。」畫面接着出現字幕:「我認識的我,會是大家認識的我嗎?」姜濤表示自己沒什麼途徑,令大家認識他自身經歷,所以唯一可以做的,就是在自己的作品去訴說他的經歷和想法,他續說:「跟住我就諗,有冇多一個途徑,我覺得拍一段紀錄片去紀錄呢件事,畀以為嘅自己睇都好。」

之後姜濤身在排舞室,他說:「可能你睇完呢條片,你可能唔係好鍾意我,可能原本你係好鍾意我,但原來我唔係你想像中咁,其實我覺得唔緊要。」

姜濤直言之前表演是為開心,可以跟兄弟在一起,但現時則要加倍努力,他說:「依家就係有一種,如果我唔出更多嘅力,人哋就會…所以我迫自己出更多氣力。」

姜濤也提到早前在商場暈倒一事:「唔好將我諗到咁脆弱,雖然我呢件事(指暈倒)搞到我好脆弱,我知道我暈咗,會有一大班人講我公司唔好、講花姐唔好…呢8個月係咁喺度跟內心抗爭,一時好似好番啲,一時又好似唔得,希望我第3隻歌出嚟時,可以畀到自己一個答案。」

姜濤最後說:「可能拍完呢段片、出完呢首歌後,都會有唔開心嘅時候,但起碼我會知道有一個方法,呢隻歌就係嗰個答案。」

(即時娛樂)

相關字詞﹕姜濤 人氣王 答案