《濁水漂流》導演李駿碩撼低《月老》的九把刀（柯景騰），奪得第58屆金馬獎「最佳改編劇本」獎，今次亦是他第一個金馬獎。李駿碩先以普通話致謝，然後再以廣東話說：「創作嘅路好艱難，好孤獨，好幸運有一班支持我嘅伙伴戰友，謝謝我家人同愛人，謝謝mm2上下，多謝老闆。」
此時他語帶哽咽說：「唔好意思﹗」全場掌聲鼓勵，他續說：「多謝所有我嘅主創，多謝你哋陪伴同支持，好彩有你哋。多謝主演尤其鎮宇哥（吳鎮宇），就算劇本寫得再好，冇好演員嘅演出，都係冇用，佢哋每個演出都非常精湛。
多謝每個訪問過我嘅人，多謝佢哋分享佢哋生命嘅故事，係呢一刻仲有一班街友，佢哋第3次提告，喺法院裏面捍衛佢哋尊嚴，縱使人生好多缺陷，但呢一刻佢哋係善良而正直嘅，好希望大家支持佢哋，最後多謝香港，香港加油﹗」
