58歲的「師奶殺手」陶大宇因在內地商演，翻唱劉德華的《倒轉地球》而人氣急升兼勁洗腦，更被網民惡搞及模仿他的唱腔台風。ERROR成員吳保錡亦翻唱大宇「魔音版」《倒轉地球》，有網民在facebook開設了「我老婆鍾意咗陶大宇導致婚姻關係破裂關注組」，目前有逾6800位成員。
對於被保錡惡搞唱腔及台風，大宇接受《明報》訪問時表示不會嬲：「保錡扮我，我點會嬲呀？大家最緊要開心，其實以前佢都喺ViuTV個《辣伙頭》節目扮過我，可能人哋話佢有少少似我。佢扮我，除了係鍾意我之外，一定係…想死😅🤣！呢個《倒轉地球》，真係畀網民倒轉咗個地球🤣🤣🤣🤣！」
問到會否加入facebook關注組？他笑稱：「我不加入了，我已經派了卧底喺入面，幫我留意所有動向。」
相關新聞：「師奶殺手」陶大宇翻唱《倒轉地球》爆紅 逾6000人加入fb關注組
