近日頻頻出席活動吸金的許廷鏗（Alfred），今天（12月1日）出席一個汽車品牌發布會，Alfred表示今次活動是他人生中第2次接觸的車展。問他有沒有駕駛習慣？Alfred說：「我開工多數坐保母車，我家人就有好幾架車，但全部都係佢哋嘅，不過有時如果我想出去郊外放鬆吓，就會問屋企人借車揸。」
他更自誇：「我揸車好好脾氣，絕對係安全駕駛者，我剛才在台上直接問老闆架車售價，我係真心想知，我可以afford（負擔）得到，亦對呢架車好有興趣，如果買得成，就會係我人生中第一架自己擁有嘅車。」
問到《全民造星IV》是否已錄影完畢，Alfred說：「錄影部分做晒，等待12月聖誕節總決賽會有結果。電視剪接都係最精華片段，有很多辛酸片段播唔到畀觀眾睇。」
Alfred在節目中表現真性情，喊得相當厲害，他笑言：「影到嘅我已經唔係嚴重，鏡頭後嘅我仲喊得厲害。」他續說：「對於（參賽者）比賽止步，唔係代表夢想完結，我都希望可以同參賽者合作，將佢哋嘅才能展現出嚟。」
