造星IV|許廷鏗A5組《狂人日記》獲激讚 B3組靚女醫生咖喱遭淘汰 (23:45)

文章日期:2021年12月01日

ViuTV《全民造星IV》今晚(12月1日)播映一集,繼續進行第3回合爭奪30強賽事。小組對決是A5組對B3組,A5組成員有Ika(廖芷嘉)、ZIVA(穎蕎)、超酸(陳昭煊)、芯駖(李芯駖)及Day(許軼);B3組成員有Ivy So(蘇雅琳)、何榛綦、余潔滢及靚女醫生咖喱(黃雅慧),其中咖喱被列入B3組的「死亡名單」。

A5組在自選項目《Lady Legend》表現出色,連在指定歌曲《狂人日記》的演出亦備受讚賞,評判之一的卓韻芝看完演出後激讚:「好surprise,你哋可以做到嘅嘢係好多,睇到好多唔同潛質,所以我唔再讚,反而想問你哋可能喺女團,可能要做一啲你哋好唔想做嘅嘢,好似著對水晶玻璃鞋唱首純情歌,你哋會點應對呢?」

另一評判陳健安(On仔)則說:「結尾好特別,特別想講芯駖,你嘅中低音好強,睇到你低音一面,阿Day嘅眼神令我有心寒。」就連向來雞蛋裏挑骨頭的陳詠燊亦讚賞:「嗰5塊鏡有被震撼到,拉咗我哋入表演一部分,係聰明設計,而且呢個獨一無二係尊重《全民造星》呢個比賽回合。」

B3組的自選項目是《猜‧情‧尋》,她們以童年遊戲融入歌曲及演出中,包括「一二三木頭人」、「耍盲雞」及「爭櫈仔」等,跟A5組的強勁跳唱風格截然不同,亦被評判讚賞,卓韻芝說:「我覺得好睇,尤其睇完剛才咁Powerful嘅A組,咁樣B組好容易被比下去,但好好睇,我感受到嗰份感情,你哋拍手嗰下真係有戲味,同埋我亦睇到你哋有唔同性格,特別係榛綦,你一開聲就好有趣,有時你個樣好嬲,有時又好堅定,有時又好sweet。」On仔則被潔滢的表情吸引,指她的表情起伏好大;而Ivy的外表特別有仙氣。

陳詠燊則繼續雞蛋裏挑骨頭:「點解咖喱隻手有一條手鏈?成個構圖我係咪甩咗啲乜?因為你哋連髮飾都冇顏色,全部夾得好,但你又著短袖,我嗰下突然有啲抽離。(咖喱:因為呢條鏈係我婆婆畀我嘅。)另外,潔滢,頭先有個位你同榛綦喺我面前唱歌,榛係望住我唱,但你對眼係失焦咁唱,你畀到嘅信息我,係你進入緊自己嘅世界。」及後輪到B3組4位成員演繹指定歌曲《狂人日記》,不過她們表現失準,欠爆炸力兼音準有好大問題,吳雨霏說:「我比較著重技巧嘅嘢,後面快歌部分,我覺得係甩咗少少拍子。」卓韻芝亦批演出未達水準。

最後5位評判給5盞藍燈予A5組,B3組的咖喱黯然出局,梁祖堯解釋選咖喱入死亡名單原因:「我今次親自替佢哋排練,咖喱嘅進步係比其他人少,口味完全係冇問題,並唔係我唔鍾意佢做某啲嘢,但當我想改變佢一啲嘢時候,佢改變唔到。」

出局的咖喱在節目中含淚說:「呢3個月係好好體驗,透過呢個節目,識到好多朋友,增加我舞台經驗,好開心加入B組阿祖大家庭,好warm。」咖喱出局惹網民熱議,他們替咖喱感不值和可惜,又指接二連三將心水參賽者淘汰而感到不滿。

(即時娛樂)