MIRROR、ERROR今年打入「叱咤樂壇我最喜愛的組合」5強，MIRROR的姜濤、呂爵安、陳卓賢及盧瀚霆亦晉身「我最喜愛的男歌手」5強之列。16子的經理人花姐（黃慧君）今日凌晨在社交網上載姜濤在被窩中的照片，透露最近與姜濤討論年尾頒獎禮及未來工作路向的事。
她說︰「近排都會同老姜討論吓出歌，年尾頒獎禮，未來發展嘅嘢。見到大家咁支持自己真係好開心，呢份厚愛帶畀我哋無限動力，邊個唔想有好成績，但對MIRROR、ERROR、對老姜嚟講，可以有機會做好音樂，繼續可以喺舞台表演，可以嘗試唔同嘅挑戰先係最想要嘅野。所以希望大家投票畀我哋嘅同時，亦希望大家欣賞我哋嘅作品，陪着我哋成長。老姜金句，『用我哋作品去感激大家對我哋支持』。16子謝謝你們的每一票，無論成績如何都會繼續努力！如果有『我最喜愛粉絲』呢個獎，必屬鏡粉同錯粉。」
