王梓軒（Jonathan）與雲浩影（Cloud）日前出席聖誕慶祝活動。原來王梓軒睇住Cloud長大，他笑指：「你大過咗之後，今次係第一次合作，你細個時，我哋都有同台，我係好開心，首先見到Cloud大個咗，好叻呀，真心㗎！佢唱歌好聽，講嘢又叻，又靚啦！」獲讚的Cloud笑言：「細個同Jonathan同台時，佢做評判，有機會合作感覺好開心。」
Cloud明年有望以新人姿態闖樂壇，並獲王梓軒加持，替她寫歌，Cloud說：「新一年同公司有共識，會有一連串嘅歌推出，希望可以正式出道，做明年新人。如果有機會，我都好希望可以同佢（王梓軒）合作，睇佢肯唔肯啦？」
王梓軒則說：「唔會唔肯啦！其實一路睇住佢成長，我都希望可以喺佢音樂同演藝路上參與少少，希望幫佢做到歌啦！」
