ViuTV劇集《IT狗》昨晚播出第5集，前財政司長曾俊華驚喜登場，客串飾演15年前曾頒獎予楊樂文（Lokman）的創科界人士，更向Lokman做出心心手勢。Lokman見到曾俊華向他做心心手勢，非常雀躍，稱隊友不信曾俊華當年頒獎給他時做出此動作，要求曾俊華拍片表示心心手勢是他發明的。
曾俊華在社交平台上載他演出一幕的畫面截圖，以及拍攝當日與Lokman、彭秀慧等台前幕後的合照。他說︰「好開心可以參與今次嘅電視劇演出。多謝Bowtie同ViuTV促成今次合作。多謝《IT狗》劇組、曾經同我合作過同一齊逛紐約波士頓嘅導演Lawrence Kan、 楊樂文、彭秀慧、Martin同我一齊演出呢一幕。Lokman嘅演技好犀利，大家不妨留意一下。」
曾俊華又表示︰「《IT狗》係ViuTV嘅原創喜劇，內容講述IT人為求出路決定自己創業，希望觀眾睇得開心之餘亦會更加留意社會上嘅創科發展，畢竟好嘅創意同科技可以為社會進步帶嚟關鍵性嘅影響。希望香港可以繼續孕育更多好嘅創意同科技，支持創科意念堅持，前行。」
