尋人記II|「龜兔夫婦」受訪後數月陰陽永隔 Sabrina看丈夫未曝光片段落淚 (18:04)

文章日期:2022年06月18日

無綫《尋人記II》昨晚(17日)播出最後一集。攝製隊過去兩年尋獲無數昔日新聞主角,特別舉辦「《尋人記》同學會」,4位主持相約首輯曾經現身的新聞主角暢談近况,向他們送上相框紀念品。未能抽空出席的,除了以錄音向各人問好,亦有人邀請攝製隊再度登門造訪。

去年憑「甜蜜互動」感動無數觀眾的「龜兔夫婦」Sabrina與Frankie,1994年因尋求婚姻輔導接受《星期日檔案》訪問,並以「烏龜白兔」形容彼此關係。相隔一年,這對恩愛夫妻竟已陰陽永隔。在鏡頭前談笑風生、健康活潑的Frankie,受訪後數月突然急性心臟病發,留醫16日後於去年8月離世,終年67歲。Sabrina憶述丈夫離世時難掩傷痛︰「個心依然係期盼,希望(佢冇事),直至佢(心臟)停咗,醫生問可唔可以拔喉,我唔畀,堅持咗個幾鐘。」

節目播出上輯《尋人記》未曾曝光片段, Frankie在鏡頭前叮囑愛妻︰「日後如我先走一步,你要好好活下去,千祈唔好掛住我,記住!拜拜!下世有緣,我哋可以再嚟過,我哋今世過得好開心,係咁多。你要享受你自己嘅餘生,真係唔好掛住我。」

面對摯愛離世,一向樂觀開朗的Sabrina曾難以釋懷:「我跟其他人一樣會問『點解會畀一個咁嘅結果我哋呢』、『點解唔可以再同我耐啲』。」就連最愛的跳舞比賽,Sabrina也失去了衝勁:「當有日發覺原來冇人再去欣賞我好,冇人再去話我唔好,我就好似冇咗嗰個動力。」Sabrina後來想起自己仍背負女兒、母親、婆婆等多重身分,決定勇敢生存下去,不再沉溺於不開心的情緒之中。

Sabrina逐步走出喪夫之痛,她感恩當天受訪留下珍貴回憶:「我覺得你哋上次嚟拍呢一段,係上天畀我哋嘅一份禮物。佢喺醫院時,只有一件事我覺得好遺憾,就係佢冇遺言,呢段錄影當時畀到我內心好大安慰,亦令Frankie可以『親自』喺喪禮同親友道別。我哋做咗呢件事,對我哋兩個同屋企人好有紀念價值。今次唔走,5年都會走、10年都會走,再老啲,30年?佢都會走。如果我冇做呢件事,我永遠冇咗呢個回憶。」

(即時娛樂)

 

相關字詞﹕尋人記II 龜兔夫婦