子女率影迷包場睇戲送驚喜 張兆輝獲老婆讚「絕世好爸」 (19:21)

文章日期:2022年06月21日

今年父親節張兆輝雖然要到橫店開工,也不忘隔空跟仔女慶祝。輝哥影迷會在父親節前夕,在戲院包了一場「輝哥影迷場」,欣賞他主演的電影《被消失的凶案》,輝哥透過電話與現場觀眾視像並大派心心:「多謝大家支持!」

父親節(19日)當天,張太在微博大讚輝哥:「絕世好爸@張兆輝父親節快樂,由孩子出世,換片,冲涼,喂(餵)奶,接返學放學,孩子的自動櫃員機,你為孩子做齊了爸爸媽媽應該做的工作,辛苦了。」

輝哥除了是好老公,更是好爸爸,對於影迷的包場支持,輝哥感恩表示:「我真係好多謝大家嘅支持,我好想嚟到現場同大家睇戲,希望不久嘅將來,我哋可以一齊睇場戲。(仔女帶朋友撐場?)嗰晚太太突然叫我視像個女,我見到好多朋友及影迷,原來佢哋喺香港同我啲影迷搞咗場包場,太突然,我都唔知同觀眾講乜嘢好,所以我只好不停同大家講『多謝、多謝支持』。」

「輝哥影迷場」當晚全院滿座,每位影迷手持印有輝哥在戲中造型的手幅,完場時,輝哥跟女兒視像,影迷高舉手幅吶喊:「輝哥好好戲!輝哥支持你!」

(即時娛樂)