貧窮限制想像|杜燕歌帶隊歎美酒 奶仔將百萬元雪茄櫃當餐桌 (17:12)

文章日期:2022年06月29日

J2今晚(29日)10時半播出的《貧窮限制想像》,今晚一集方紹聰(奶仔)發揮「屋邨仔」對陌生上流事物每事問的精神,並請來資深演員及配音員杜燕歌導航。

杜燕歌作為雪茄之友兼靚酒愛好者,他帶奶仔認識Benson,對方店內的雪茄藏品,總值超過數百萬元。如果雪茄保存得宜,可以收藏半世紀以上。Benson店中更有一個全球限量30個的雪茄櫃,價值超過100萬元,奶仔竟將它當普通餐桌,差不多整個人躺在上面。

對初嘗雪茄的奶仔來說,他形容口腔的感覺,就像喝了好多杯齋啡一樣,還有點微醉。歎完靚雪茄後,杜燕歌帶奶仔走訪酒友林先生的店,他藏酒豐富,有威士忌及白蘭地等。拍攝當日奶仔試飲的陳年佳釀,總值超過10萬元。杜燕歌表示人要有生活品味︰「就算你有錢買100萬支酒,唔飲擺喺度都唔係你嘅,飲咗至係你嘅。」

奶仔表示今集由杜燕歌反客為主帶隊,令自己增廣見聞,學曉很多食雪茄、飲酒的知識同技巧,他說:「過往係我lead住啲嘉賓,今集就好似一個𡃁仔畀燕哥帶入男人世界咁。」

他又講到上一集整蠱黃嘉雯(Carmaney),指她弄崩「古董」瓷碗,要賠8.8萬元,令Carmaney淚灑當場,奶仔解釋跟Carmaney本身是好朋友,才會這樣玩,他笑說︰「你對朋友永遠唔會恭敬如賓,講一啲好認真嘅嘢,認真嘢返工講。大家睇J2都係想貼地啲、有趣啲嘅嘢,就係整蠱朋友畀大家睇。」

(即時娛樂)