「折骨BEN」拍出道歌MV 克服畏高初嘗吊威也 成就解鎖 (12:54)

文章日期:2022年07月12日
「折骨BEN」拍出道歌MV 克服畏高初嘗吊威也 成就解鎖(大會提供影片,剪接:鍾偉茵)

以「折骨舞」稱冠的趙祥誠(BEN)正式加盟寰亞唱片出道,首支單曲《粉身碎骨》亦推出,MV同步上架。由於場景布局多變,除了跳舞還加入武術,MV拍了足足24小時,消耗大量體力,BEN終於嘗試期待已久的吊威也,他表示成就解鎖,甚至忘記對畏高的恐懼。

BEN說:「《粉身碎骨》呢首歌係講一個人,為咗鍾意嘅人或事去到好盡,甚至粉身碎骨,好壯烈和淒美感覺。第一次聽到首歌嘅Demo時,感覺好舒服,尤其副歌部分,而且Rap嘅詞同我嘅意念和跳舞好有關聯。」

第一次擁有真正屬於自己的歌曲和MV,BEN興奮說:「以前參加比賽時,都係團體合作,而今次MV由歌曲到所有場景、服裝,台前幕後都係為我而做,感覺好正!我要非常多謝所有工作人員和設計今次MV故事嘅團隊,辛苦大家!」

《粉身碎骨》MV中,BEN與女飛賊爭奪寶物,在佈置成鳥居的場景大打出手,初嘗吊威也滋味的他說:「下半身被威也戚住,大髀位有啲痛,加上我本身有畏高,心情好緊張。有啲動作以為自己OK,但其實係NG,吊住嘅時候因為手腳都離地,頸和腰都要更加出力,為咗做啱表情,我忘記咗畏高嘅恐懼。雖然吊威也超級難,但自小睇古裝劇、電影、科幻戲,見到演員吊威也,我一直都好想嘗試,終於成就解鎖!」

(即時娛樂)