MIRROR新歌《WE ARE》MV放低偶包玩到癲 (22:48)

文章日期:2022年07月22日

人氣組合MIRROR一連12場《MIRROR.WE.ARE LIVE CONCERT 2022》於下周一(25日)開鑼,今日推出演唱會主題曲《WE ARE》。

MIRROR成軍逾3年,由《全民造星》到首度踏上紅館舞台,除12子努力不懈外,還有粉絲一直不離不棄支持,今次新歌《WE ARE》,MIRROR透過歌聲感謝每一位粉絲,亦約定不論在開心戀愛、寂寞害怕時,只要有需要,MIRROR一定陪伴在側,與大家一起走過高低起跌。MIRROR視《WE ARE》為入場看演唱會前給粉絲的熱身作,江𤒹生(Anson Kong、AK)分享道:「呢這首主題曲比較開心,希望大家入場看的粉絲同埋觀眾都能夠感受我哋的正能量。編舞方面,Rock Sir特別編一段舞蹈,不算好難,希望大家可以跟住一齊跳,一齊開心!」

歌曲題材溫馨又充滿正能量,MIRROR成員在MV放下偶像包袱,聯手炮製笑料十足的畫面。楊樂文(Lokman)說:「我哋是銀河宇宙守護隊,保衛宇宙和平,但宇宙已經和平了好耐,所以我哋有工返等於冇工返,因為太無聊,大家就搵嘢做。」身為MIRROR隊長的Lokman,在守護隊內繼續他的隊長角色,他自我介紹:「我是好認真、正義凜然的隊長,雖然冇嘢做但都會督促隊員做嘢,最後就真係有嘢做喇!」

這班銀河宇宙守護隊隊員的任務,就是要保衛地球,而王智德(Alton)在隊中負上重責,他說:「今次遇到的隕石問題,是可以透過《石破天驚動舞拳》這本秘笈得到答案,而我是帶領大家拯地球!」實情是MIRROR人人都發揮搞笑細胞,在MV中大放笑彈。Alton續說:「以往會放低偶包拍攝的MV有《Ignited》或《All In One》入面扮鬼臉,而拍攝《WE ARE》時同導演溝通,想今次有點周星馳的舞步,起初做出來都太似跳舞,導演想睇落不似舞步的步法,咁先畀大家睇到亂舞的MIRROR大家睇,所以在現場就度一些發癲、發狂、發喪的舞姿,都幾有Feel!」

有欣賞過《BOSS》MV,應該記得呂爵安(Edan)與柳應廷(Jer)相映成趣的搞笑功力,今次他們再合體,度出瘋狂的搞笑場口,Edan笑言:「《WE ARE》MV好適合我哋,繼上次《Boss》後又再搵我同Jer玩。」Jer認同說:「導演一來到就話,喂,好掛住你哋兩個孖寶呀!今日都是整番個孖寶先啦!」對於自己度的笑料,Edan很滿意:「我哋創作好多,真是創作力量同幻想,會嚇你一跳。」

要搞笑放低偶包,換來醜化自己的畫面,可能成為製作黑圖的材料,盧瀚霆(Anson Lo)聽到即表示:「黑圖?完全不介意,因為平時都大把黑圖!」姜濤也說:「我哋平時都會分享大家的黑圖。」姜濤又叫大家留意MV當中細節:「今次是第一次大家都咁癲,《Ignited》、《BOSS》都冇咁瘋狂,不過這個MV最勁是Anson Lo個頭點揈個蔭都不會郁!」

被問誰最搞笑?陳瑞輝(Frankie、皮皮)與Jer大熱當選,Lokman解釋選Frankie原因:「皮皮平日是一嘢就中,今日嘢嘢都中算爆燈!」Frankie聽到讚賞謙虛道:「你哋開心,我就開心。」忍笑方面,眾人不敢認叻,Lokman讚各隊友:「大家都幾叻,都有一個非常專業嘅演出,畀掌聲自己。」

MIRROR演唱會下周一舉行,除推出新作外,亦提大家入場備忘,Lokman提醒:「背好晒歌詞,聽多幾次我哋的歌。」AK溫馨提示:「帶多個口罩同帶毛巾抹汗,因為跟我哋跳舞會濕晒,另外我哋勁歌熱舞跳到濕晒。」李駿傑(Jeremy)提大家要帶飛,陳卓賢(Ian)說去定廁所,因為無廁所位。

(即時娛樂)