賴慰玲於2017年跟舞台劇演員梁子峰結婚，同年12月誕下囝囝Marat（也也），眨眼也也已經4歲半，而他熱愛劍擊，賴慰玲在社交網貼出也也參加劍擊比賽的照片，更喜獲亞軍，賴慰玲寫道：「第一場 影夠相 我諗住差不多；第二場 佢話5:4 好似自己係5；第三場 好似幾認真 打咁多場㗎咩；第四場 我開始認真睇 輸1:4反超前 5:4 好癲；八強賽 我開始好緊張 佢簡直想刺穿人；四強賽 先發覺佢係全場唯一連贏6場。
旁邊位媽媽話：也也好好睇，佢嗰種永不放棄精神好好睇！我忍住，否則又會喊到跪低，冠軍賽8:6輸兩分，拎咗亞軍，贏咗父母的"Proud of you!!"」
賴慰玲表示囝囝技術不算最好，但鬥心最強：「每次聽到自己個名出場，就立刻戴上面罩準備上場殺敵的英姿，真係好令老母心動，沒什麼比一起經歷更動心。」
