張致恒（Steven）與老婆區燕雯（雯雯）於2019年結婚，結婚3年多，2人育有3名兒子天寶﹑天牧和天朗，然後兩公婆近年負面新聞不斷，曾被指欠債及鬧離婚，雖然未幾重修舊好，但今年10月雯雯已被發現Unfollow老公的Ig，甚至將有關Steven的照片隱藏，又惹婚變傳聞，現時雯雯的Ig除了她和3個囝囝生活照外，已不見Steven的照片，但在上月她曾分享和老公帶兒子到牧場玩的短片，兩公婆感情似乎沒問題。
不過今早（7日）雯雯在Ig限時動態發文訴心聲，再惹婚變疑雲：「可以當我精神有問題，可以當我做（造）新聞，可以當我思覺失調，但我可以好肯定咁講，已經到咗我極限，全部嘢已經到咗我底線，唔需要估，唔係玩女人，唔係又有第二個，好簡單，性格溝通唔到﹑容忍唔到。我自己係單親成長，以為努力堅持死撐，我嘅小朋友就可以完整成長，但原來真係勉強唔到，每日對住原來可以咁攰，宜（𠵱）家安排一切，2023年一定會可以做返自己，有好嘅開始，大家最喜歡話我抵死揀錯人，唔試過，又點知結果。」
