中秋水果1:點揀靚梨?果商教路:水晶梨皮光肉滑最好 啤梨宜揀結實

文章日期:2018年9月13日

中秋、秋天是食梨好時節,鮮果皇(國際)高端水果有限公司總經理楊文新,分享揀選靚梨的貼士:「靚梨通常皮光肉滑,結實爽甜。」選購水晶梨時,更要注意5點。

揀水晶梨5貼士

1. 外形宜新鮮、「四正」、飽滿;勿選表面「岩岩巉巉」。

2. 若要送禮,可選表面和色澤光滑的水晶梨。其實表面一點點黑色花皮,只會影響外觀,無損果肉。

3. 水晶梨色澤愈黃、愈熟、愈甜、愈多水分,稍為碰撞後亦愈易出現瘀黑,這款水晶梨宜即食。

稍稍偏青澀的水晶梨,較少出現瘀黑情況,可放入雪櫃存放約2星期。

4. 輕按感結實;偏腍身的,相對不新鮮或易變味。

5. 水晶梨愈大、愈靚、愈貴。日本水晶梨可從級數參考,最高級別是皮光肉滑的「紅秀」、「青秀」次之,皮較花的「優」排最後。

楊文新表示,揀選鴨梨(即雪梨)、豐水梨等梨類,與揀水晶梨的技巧基本相同,不過豐水梨變壞速度較快及易腍,一腍便會出現酒味,不宜食用。

啤梨宜揀結實 室溫存放等變腍

啤梨的揀選及存放注意事項,與大部分梨類「零舍不同」。楊文新表示,啤梨宜選購生澀、青身、結實的,回家後存放於室溫2至4日(放廚房或米缸可借助熱力加速熟成),待梨身自然熟透變腍。楊說:「如果買已熟透及腍身的啤梨,在回家過程中,啤梨在袋內左撞右撞,容易撞爛果肉,所以最好揀較硬淨的啤梨回家放腍。」

文:黃廷希 thwong02@mingpao.com

中秋什麼水果最好賣?果商話你知

點揀靚柚子?果商教路:重秤‧墜手

揀靚楊桃3貼士 果商教路:勿選皺皮凹痕

火龍果點揀?

麒麟果選購3貼士 果商提醒:已切開的麒麟果不宜存放

車厘子 連莖新鮮啲?愈大粒愈靚?3招揀靚車厘子

香印提子 黃色甜過綠色?揀靚香印提子3貼士

桃 毛愈多愈新鮮‧即食勿放雪櫃!食水蜜桃6心得

揀靚無花果3秘訣:色澤·硬度·睇表面 剝皮原隻食或配沙律

榴槤 選購3注意

更多Hot Pick:link.mingpao.com/43932.htm

RELATED

明報影片