【今晨直擊】嘉欣BB返港喇！鍾嘉欣自2月宣布「我結婚了！」下嫁脊醫老公Jeremy後，一直在溫哥華休息，並成功「造人」於8月誕下愛女Kelly，榮升「嘉欣媽媽」。產後2個多月，嘉欣今晨乘坐CX889航班由溫哥華飛抵香港，為出席明晚於中環舉行的品牌活動做準備。
嘉欣產後首度返港，吸引逾半百傳媒到機場守候，其經理人Pansy亦有到場接機，現場還有一位女粉絲。清晨約6點35分，戴上太陽眼鏡，穿著深藍色長褸的嘉欣包到實，獨自推著行李車步出閘口，隨即引起一陣小混亂，雖搭完長途機，但見她精神不俗，更化了淡妝，全程面帶微笑，不時向傳媒揮手，近看嘉欣修身進度看似不錯，面口不見腫脹，其左手無名指上的婚戒相當放閃。
嘉欣見到在場傳媒就說:「辛苦大家咁早嚟接我，好掛住大家!你地咁早嚟有冇瞓過覺?」並友善地配合傳媒要求，大方企定定影相及接受訪問。之後她就登上保姆車離去機場，直奔將軍澳舊居，沿途有8駕傳媒採訪車「護送」，十分大陣仗，她返抵住所向傳媒揮手表示：「我要睇下我屋企，我好耐無返屋企，唔知屋企點，可能舖晒塵了。我要上去執屋呀！」據知，嘉欣此趟來去匆匆，只留港一日半時間，完成工作後即返回溫哥華湊女，果然愛女心切！
