鄧紫棋（G.E.M.）昨晚被指在中環海濱活動空間舉行的Dragonland Music Festival，突然「不請自來」上台與The Black Eyed Peas（BEP）合唱《Where Is The Love》，一度被工作人員阻止，及引起部分觀眾不滿噓爆，指她破壞首歌及現場氣氛。
雖然G.E.M.已在社交網站上載與合照，說是成員will.i.am邀請她即興演出，但仍未平息事件，主辦單位表示她未在演出嘉賓之列。G.E.M.為此開腔回應，她承認事前只得will.i.am與經理人知她會上台演出。她說:「噚日我傳短訊同will.i.am講會去睇騷，祝佢good show，佢就話不如一齊唱《Where Is The Love》，我問佢係咪認真？佢即刻傳歌詞畀我，所以就有呢個即興表演。事前無人知㗎，我都係噚日上午11點幾先知，就開始背歌詞，是個驚喜。後來will.i.am的經理人去講番我會上台一齊唱，佢哋就畀咗個咪我。」
