香港拳王「神奇小子」曹星如(Rex)21連勝!擊敗日本拳王向井寬史。任達華、鄭裕玲、余文樂、徐濠縈、林海峰、陳志雲、狄龍與曾江等皆是Rex的支持者，昨晚齊齊到現場為他打氣。Rex不負眾望再贏漂亮一仗!激戰8回合後，擊倒日本拳王向井寬史，錄得21連勝。神奇小子好嘢!
嘟姐睇得好開心，離場時說好緊張，有一刻自己緊張到胃抽筋。她讚向井寬史打得好好，但Rex打得仲好!問她Rex是否成為她的新偶像?嘟姐話:「Rex係香港的英雄!」
曾江與狄龍皆豎起手指公大讚Rex打得好，龍哥稱這賽事是棋逢敵手!吳雨霏睇得好投入，完場都唔肯走，記者訪問她時，Kary興奮大讚:「好勁!好緊張...」但老公望了她一眼後，她醒目停口，急急腳跟老公走。
任達華著住曹星如的T恤捧場，他大讚Rex發揮得好好又有香港人打氣，自己也有幫手大嗌打氣。
