【今晚直擊】姜皓文（黑仔）今晚出席電影《拆彈專家》首映，即被追問已收拾好失落金像獎男配角的心情？黑仔說：「一點兒失望都無，我都貼志偉哥，貼中不知幾開心﹗（下次再來過？）這好似追女仔，第一次同金像美人邂逅之後，要拍幾年拖先帶她返屋企，等我醞釀下先﹗」對於今年金像獎男配角獎惹起風波，曾志偉對他講「我1部撼你26部」的言論，引發杜汶澤在網上爆粗鬧志偉。黑仔表示：「和志偉有通過電話，有恭喜他。其實我識志偉好多、好多年，他是大情大性的人，已經是講得好保守，大家是好好玩，我絕對唔會介意，他一早已鼓勵我，好感動有次在春茗幫我拉票。他點會去貶低人，應是興奮狀態，大家聽唔明、聽唔慣佢語氣，熟悉佢的人就知講笑。」
事件令到阿澤幫口鬧人？黑仔說：「好多網民太緊張我，太戥我肉緊，這些令我好感動，但不需要咁激，佢始終是幫我，撐我。」
