Oscar愛的宣言冧爆江若琳 網友︰感動到打冷震 (13:19)

文章日期:2017年09月12日

江若琳日前在她的入行10周年演唱會上與男友蕭潤邦(Oscar)共舞曬恩愛,閃爆全場﹗Oscar昨夜在社交平台分享個唱照片,寫下400字的感言向江若琳示愛,大讚女友為了這次演出花盡心力外,更冧爆地匿稱女友為「蘋果」,指女友令他很驕傲﹗ 

Oscar寫道︰「記得當日你叫我同你跳呢隻舞既(嘅)時候,我心諗︰不如你直接叫我跳海吧﹗因為我真係完全唔識跳舞,亦非常害怕跳舞!但諗深一層,不如用自己既(嘅)一點點力量,去證明比(畀)你睇,只要我地(哋)盡力去做任何事,世界上係無野(嘢)難到我地(哋)既(嘅)!亦因為你今次既(嘅)show,我親身見到你好勤力,好忘我,好認真,成個月無論你既(嘅)心靈同身體根本無一分鐘休息過,令我非常擔心,但我只可以同你一起衝,甚至比你更緊張!」

「到左(咗)九月九號、十號呢兩晚,你响(喺)舞台上面既(嘅)坦誠,令一個音樂會,變成一個見證會,大家都見證到一個重生既(嘅)江若琳,好成熟,好盡力,好正能量,好知足常樂,好熱愛唱歌既(嘅)一位表演者!令好多人對你改觀,你並不是得個樣,亦非常認同你係一位好好既(嘅)香港歌手!我相信今次一定唔會係你最後一次音樂會,信香港人,信香港樂壇!蘋果,身邊有你呢位強人,令我好驕傲,實在太幸運今次可以陪你渡(度)過呢一個咁重要既(嘅)時刻!蘋果,我們一起努力,沒有不可能,以後有什麼大事也沒有什麼大不了!因為我們有我們!」

不少網民留言力撐2人,又笑指Oscar寫給女友的文章令人感動到打冷震,叫他們早日結婚﹗ 

(即時娛樂)