【明報專訊】胡定欣現實中還未遇到她的真命天子，看到身邊好姊妹有的已婚、有的戀愛中，定欣輕嘆道﹕「無話羨唔羨慕，我當然好戥我嘅好姊妹開心。（她們可有替你擔心？）她們都知道Mr. right不是要搵就有，要睇緣分，最好係一個啱嘅時候出現啦，因為自己也不細了，還要每日畀人問住。」定欣又笑指父母雖然表面不心急，但其實是心急的，最近因她休假，見面多了，都有跟她說要好好想另一半的事，不要只顧工作。她說﹕「所以現在放假有時間都會出去識吓新朋友，擴闊社交圈子。」
陳展鵬無影響追求者
可覺得之前與陳展鵬的緋聞令追求者不敢埋身？定欣直言﹕「絕對唔會，大家都知道只是新聞一則。」她坦言若遇到啱feel的男生，不介意主動踏出第一步，她說﹕「唔介意主動，幾多歲呀仲介意！時日無多啦，哈哈！」定欣先後同過吳浩康、馬國明及音樂人Terry拍拖，她形容這些愛情經歷是成長的一個階段，每次拍拖都會令自己成長，及了解自己需要如何的一個人。「其實最緊要係兩個人之間嘅默契和感覺。不時被問擇偶條件，其實到最後那些條件都是不關事的，鍾意就會為對方付出或自己去調整，好多事情都會自然發生，不需要刻意去做。」可擔心現時貴為兩屆視后、又打得，如此強勢會令追求者卻步？定欣直言無這樣想過，自己也有小鳥依人的一面﹕「我覺得一個女仔無論幾強都好，當遇到心愛或鍾意嘅人時，都會流露出溫柔嘅一面，有時強勢只是為工作或保護自己，不代表不需要有人照顧和呵護。」定欣指沒有界定男友要是圈內或圈外人，覺得上天會安排的，對的時候就會出現。遇到了不排除閃婚？定欣露出一副蠱惑的笑容說﹕「唔知呢！隨緣啦，感覺到就會做。」
