張繼聰出名是愛妻號，對太太謝安琪愛護備至，更甚為愛惜一對仔女，不過，張繼聰還有一個識於微時的好兄弟白只，兩人老友鬼鬼又互相欣賞，曾被身邊朋友提議他們結婚。當好兄弟與愛妻同場，張繼聰會如何抉擇呢？
謝安琪昨晚於社交平台就上載晚飯照片，第一張見到她眼神相當凌厲望向鏡頭，而張繼聰完全笑晒望向另一邊，擺明沒有理會太太，謝安琪更搞笑留言：「估唔估到張先生同邊個咁好傾……」，大約相隔一小時左右，答案終於揭曉，張繼聰就是和白只傾到雞啄唔斷，謝安琪亦嬲嬲豬咁話：「佢哋眼中只有對方」。不少網民紛紛搞鬼留言：「唔好呷醋」、「兩個個樣直頭想錫落去咁」、「隔住個Mon都聞到酸」及「老公心中有妳就足夠啦」，不乏精句。
