【延續善事】為甘比「找數」 何超蓮孖JW食雪糕險爆粗 (21:36)

文章日期:2017年10月05日

女首富甘比偕同鍾楚紅參與Ice-cream Challenge(雪糕挑戰),然後袁詠儀與老公張智霖已接棒完成,今日賭王何鴻燊千金何超蓮亦要為甘比「找數」,她就拉埋JW(王灝兒)一齊玩,兩位蒙住眼互餵雪糕就烏龍百出,搞到全塊面連條頸都係雪糕,超蓮更不停問JW「喺邊呀你,咬啦。」,連聲尖叫,完成任務後,超蓮點名要好友鄧紫棋、蔡卓妍與薛凱琪接棒,JW就邀吳業坤與欣宜一齊參與。

但原來片尾卻有 「彩蛋」,超蓮問JW「喺邊呀你?」其中一句附加了一句單音粗口,但不知工作人員有心整蠱還是「咇」遲了,竟然聽到清脆的一聲,JW還笑言精彩過雪糕挑戰呀!

(即時娛樂)